籮記唔識用提款機

羅文自爆記性差，簡直差到驚人地步，譬如佢要記埃塞俄比亞，到時卻講咗俄羅納英；叫佢記住赤柱，臨場佢又講旺角；記人名佢亦好水皮，張三會講咗李四，故時時鬧出大笑話，佢身邊嘅朋友已經見慣不怪。

羅文仲話俾本報記者知，佢連銀行提款機都唔識得用，平日亦係由助手代佢到銀行提款。

咁講法，羅文係咪除咗唱歌就乜都唔識？

「係呀，我淨係識得唱歌，不過咁多年我都好努力、好奮鬥，我永遠都係阿大。」羅文打趣咁話。

佢識唱歌之外，仲識得教人唱歌，現在佢有四個學生一個徒弟，其中兩個女學生係周海媚同黎姿。佢收嘅學費都幾貴，一千元一個鐘頭。