蘿記加國開會不忘影「獨家」照

蘿記上星期去咗加拿大開會，因為下年初佢會喺北京、上海、廣州同香港開六場opera式嘅演唱會，而同佢一齊開呢六場演唱會嘅「嘉賓」，唔係咩天王、天后、好朋友，而係有八十人之多嘅多倫多交響樂團。同咁大棚人一齊唱經典opera一直係Roman嘅心願，今次佢點都要做得好好睇睇㗎嘞！所以而家已經過去同交響樂團開會籌備。

不過蘿記雖然係做自己嘢，但記者朋友紛紛都想要啲佢去加國時嘅獨家相，可惜，行程緊密，其實都冇乜時間影相，Roman又唔想令記者朋友失望，於是就帶定多啲外套、擺多啲甫士，總之就有外套一張，冇外套一張，托頭一張、又腰一張，但求人人有「獨家相」，Roman都算唔話得喇！